Today: 14 Nov 2019 GMT   Tell Your Friend
Advertisements
ഇംഗ്ളണ്ട് പുതിയ ലോക ചാംപ്യന്‍മാര്‍
Photo #1 - U.K. - Sports - 157201910cricket

ലണ്ടന്‍: ക്രിക്കറ്റിന്റെ ജന്മരാജ്യം ആദ്യമായി ലോകകപ്പ് ക്രിക്കറ്റ് കിരീടം സ്വന്തമാക്കി. ചരിത്രത്തിലെ എക്കാലത്തെയും ആവേശകരമായി മാറിയ ഏകദിന മത്സരം എന്ന വിശേഷണത്തിന് അര്‍ഹത നേടിയ കളിയില്‍ ന്യൂസിലന്‍ഡിനെ ഫൈനലില്‍ പരാജയപ്പെടുത്തിയാണ് ആതിഥേയരുടെ നേട്ടം.

ഫൈനല്‍ മത്സരം ടൈ ആയതിനെത്തുടര്‍ന്ന് സൂപ്പര്‍ ഓവര്‍ നടത്തി അതും ടൈ ആയതോടെ, കൂടുതല്‍ ബൗണ്ടറികള്‍ നേടിയ ടീമെന്ന നിലയില്‍ ഇംഗ്ളണ്ടിനെ വിജയികളായി പ്രഖ്യാപിക്കുകയായിരുന്നു. നാലാം വട്ടം ഫൈനല്‍ കളിച്ചപ്പോഴാണ് ഇംഗ്ളിഷ് ടീമിന് കിരീടം ഭാഗ്യം. കിരീടം നഷ്ടമായെങ്കിലും ഫൈനലില്‍ തോല്‍ക്കാതെയാണ് ന്യൂസിലന്‍ഡുകാര്‍ നാട്ടിലേക്കു മടങ്ങുന്നത്.

നേരത്തെ ടോസ് നേടി ബാറ്റ് ചെയ്ത ന്യൂസിലന്‍ഡിന് നിശ്ചിത അമ്പതോവറില്‍ എട്ടു വിക്കറ്റ് നഷ്ടത്തില്‍ 241 റണ്‍സ് മാത്രമാണു നേടാനായത്. മറുപടി ബാറ്റിങ്ങിനിറങ്ങിയ ഇംഗ്ളിഷ് ടീമിന്റെ ടോപ് ഓര്‍ഡറും തകര്‍ന്നതോടെ മത്സരം ആവശേകരമായി. അഞ്ചാം വിക്കറ്റില്‍ ഒരുമിച്ച ഓള്‍റൗണ്ടര്‍ ബെന്‍ സ്റ്റോക്സും (84 നോട്ടൗട്ട്) വിക്കറ്റ് കീപ്പര്‍ ജോസ് ബട്ലറും (59) ചേര്‍ന്നാണ് ടീമിനെ കരകയറ്റിയത്. അവസാന ഓവറില്‍ കിട്ടിയ നാല് ഓവര്‍ത്രോ റണ്‍സിന്റെ കൂടി സഹായത്തോടെയാണ് ഇംഗ്ളണ്ടിന് സ്കോറില്‍ ഒപ്പമെത്താന്‍ സാധിച്ചത്.

സൂപ്പര്‍ ഓവറില്‍ ഇതേ സഖ്യം ബാറ്റിങ്ങിനിറങ്ങി ട്രെന്റ് ബോള്‍ട്ടിനെതിരേ പതിനാറു റണ്‍സെടുത്തു. ന്യൂസിലന്‍ഡിനായി ജിമ്മി നീഷമും മാര്‍ട്ടിന്‍ ഗപ്റ്റിലും ചേര്‍ന്ന് ജോഫ്ര ആര്‍ച്ചര്‍ക്കെതിരേയും ഇത്രയും റണ്‍സാണു കണ്ടെത്തിയത്.

ന്യൂസിലന്‍ഡ് ക്യാപ്റ്റന്‍ കെയ്ന്‍ വില്യംസന്‍ മാന്‍ ഓഫ് ദ സീരീസായും ഇംഗ്ളണ്ടിന്റെ ബെന്‍ സ്റേറാക്സ് മാന്‍ ഓഫ് ദ മാച്ചായും തെരഞ്ഞെടുക്കപ്പെട്ടു. ടൂര്‍ണമെന്റിലാകെ 548 റണ്‍സെടുത്ത കെയ്ന്‍ ഒരു ലോകകപ്പില്‍ ഏറ്റവും കൂടുതല്‍ റണ്‍സെടുക്കുന്ന ക്യാപ്റ്റന്‍ എന്ന റെക്കോഡ് ശ്രീലങ്കയുടെ മഹേല ജയവര്‍ധനെയില്‍നിന്നു സ്വന്തമാക്കി. മാര്‍ട്ടിന്‍ ക്രോയാണ് ഇതിനു മുന്‍പ് ലോകകപ്പില്‍ മാന്‍ ഓഫ് ദ സീരീസായിട്ടുള്ള ന്യൂസിലന്‍ഡ് ക്യാപ്റ്റന്‍.
- dated 14 Jul 2019


Comments:
Keywords: U.K. - Sports - 157201910cricket U.K. - Sports - 157201910cricket,pravasi news,malayalam news portal,malayalam news from Europe,Gulf malayalam news,American malayalam news,Canadian malayalam news,Singapore malayalam news,Australia malayalam news,Newzealand malayalam news,Malayalees News Portal,Malayali News,News for Mallus,Finance, Education, Sports, Classifieds, Current Affairs, Special & Entertainment News. Classifieds include Real Estate, Condolence, Matrimonial, Job Vacancies, Buy & Sell of products and services, Greetings. Pravasi Lokam - pravasionline.com- a pravasi malayalam news portal. Malayalam Pravasi news from Europe,Gulf malayalam news,American malayalam news,Canadian malayalam news,Singapore malayalam news, Australia malayalam news,Newzealand malayalam news,Inda and other countries. Covers topics - News headlines, Finance, Education, Sports, Classifieds, Current Affairs, Special & Entertainment News. Classifieds include Real Estate, Condolence, Matrimonial, Job Vacancies, Buy & Sell of products and services, Greetings.
Other News Titles:
Advertisements
© PravasiOnline Since 2007. All rights reserved.
pravasionline.com : eServices : regionalportalWWWDEVplug
Questions or feedback regarding our web presence please do not hesitate to contact us.
Pravasilokam – A Pravasi Malayalam News Portal
Home | Advertise | Link Exchange | SiteMap | Contact Us