നവംബര് 23 തിങ്കളാഴ്ച ജര്മ്മന് സമയത്തിന് അനുസരിച്ച് രാവിലെ 11:00 മണിക്കും (ഇന്ത്യന് സമയം ഉച്ചയ്ക്ക് 3:30 പിഎം) ഓണ്ലൈനായാണ് വെബിനാര് നടക്കുന്നത്. ജര്മ്മനിയിലെ പ്രമുഖ മാധ്യമപ്രവര്ത്തകനും പൊതുപ്രവര്ത്തകനുമായ ജോസ് കുമ്പിളുവേലില് വെബിനാറില് മുഖ്യപ്രഭാഷകനായി പങ്കെടുത്ത് സംസാരിക്കും.
നഴ്സിംഗ് റിക്രൂട്ട്മെന്റുമായി ബന്ധപ്പെട്ട ഉദ്യോഗാര്ത്ഥികളുടെ എല്ലാ സംശയങ്ങള്ക്കും തത്സമയം മറുപടി നല്കുന്ന രീതിയിലാണ് പരിപാടി ക്രമീകരിച്ചിരിക്കുന്നത്. വെബിനാറില് ചര്ച്ച ചെയ്യുന്ന പ്രധാന വിഷയങ്ങള്:ജര്മ്മനിയിലേക്കുള്ള നഴ്സിംഗ് റിക്രൂട്ട്മെന്റ് നടപടിക്രമങ്ങള്, ആവശ്യമായ യോഗ്യതകളും നിബന്ധനകള്, ബി2 ലെവല് ജര്മ്മന് ഭാഷാ പ്രാവീണ്യത്തിന്റെ പ്രാധാന്യം. തൊഴില് അവസരങ്ങളും ശമ്പള നിരക്കുകള്. വര്ക്ക് വിസയും താമസാനുമതി (Residence permit) സംബന്ധിച്ച വിവരങ്ങള്. എം.എസ് ഐറിന്,എം.എസ് സെറിന്, എം.എസ് ഗ്ളെമി എന്നിവരും വെബിനാറില് പങ്കെടുക്കുന്നുണ്ട്. വിദഗ്ധ നിര്ദ്ദേശങ്ങള്, മെഡിക്കല് മേഖലയിലെ വിവരങ്ങള്, കൃത്യമായ ലക്ഷ്യബോധം എന്നിവയിലൂടെ ഉദ്യോഗാര്ത്ഥികളുടെ കരിയര് വളര്ച്ചയ്ക്ക് പിന്തുണ നല്കുകയാണ് വെബിനാറിലൂടെ ലക്ഷ്യമിടുന്നത്.
പങ്കെടുക്കാന് ആഗ്രഹിക്കുന്നവര് മുന്കൂട്ടി രജിസ്ററര് ചെയ്യേണ്ടതാണ്. കൂടുതല് വിവരങ്ങള്ക്കും രജിസ്ട്രേഷനുമായി +49 1575 0075724 എന്ന നമ്പറില് ബന്ധപ്പെടാവുന്നതാണ്.

Comments: