Today: 24 Aug 2019 GMT   Tell Your Friend
Advertisements
അവസരങ്ങളുമായി ഓസ്ട്രേലിയയിലെ നഴ്സിങ് മേഖല
Photo #1 - Australia - Otta Nottathil - 17720191nurse

സിഡ്നി: യുകെ എന്ന പോലെ നഴ്സുമാര്‍ക്ക് അക്ഷയഖനി തുറന്നിട്ടിരിക്കുന്ന രാജ്യമാണ് ഓസ്ട്രേലിയയും. ഓസ്ട്രേലിയയിലെ നഴ്സുമാര്‍ക്ക് ശരാശരി വാര്‍ഷി ശമ്പളം 65,000 ഡോളര്‍ അഥവാ 39,201 പൗണ്ടാണ് ലഭിക്കുന്നത്. എന്നാല്‍ ഓരോ സ്ഥലങ്ങളും മേഖലകളും അനുസരിച്ച് ശമ്പളത്തില്‍ ഏറ്റക്കുറച്ചിലുകളുണ്ടാകാം. ഉദാഹരണമായി വിക്ടോറിയയിലെ പബ്ളിക്ക് ഹോസ്പിറ്റലിലെ ശരാശരി നഴ്സിന് മണിക്കൂറിന് 30 ഡോളര്‍ മുതല്‍ 35 ഡോളര്‍ വരെ അഥവാ 18 പൗണ്ട് മുതല്‍ 21 പൗണ്ട് വരെയാണ് ശമ്പളം ലഭിക്കുന്നത്. അണ്‍സോഷ്യല്‍ബില്‍ അവേര്‍സ് കൂടാതെയാണിത് ലഭിക്കുന്നത്.

ഓസ്ട്രേലിയയില്‍ ൈ്രപവറ്റ് നഴ്സുമാര്‍ക്ക് കൂടുതല്‍ ശമ്പളം ലഭിക്കും. യുകെയിലെ എന്‍എച്ച്എസ് നഴ്സുമാര്‍ക്ക് ശമ്പളം വര്‍ധിപ്പിക്കുന്നതിന്റെ ഭാഗമായി നഴ്സുമാര്‍ക്ക് ശരാശരി വാര്‍ഷിക ശമ്പളം 25,653 പൗണ്ട് അഥവാ 42,535 ഡോളറായിരിക്കും ലഭിക്കുന്നത്. ലണ്ടനില്‍ ജീവിതച്ചെലവേറിയതിനാല്‍ അവിടെ ജോലി ചെയ്യുന്ന നഴ്സുമാര്‍ക്ക് 20 ശതമാനം അധികം ശമ്പളം ലഭിക്കുകയും ചെയ്യും.

യുകെയില്‍ ശരാശരി നഴ്സ്~ രോഗി അനുപാതം എട്ട് രോഗികള്‍ക്ക് ഒരു നഴ്സെന്ന തോതിലാണ്. രോഗത്തിന്റെ സ്വഭാവം, ഏത് സ്ഥലത്താണ് ജോലി ചെയ്യുന്നത്, സ്ഥലം, ബെഡുകളുടെ എണ്ണം, തുടങ്ങിയ നിരവധി ഘടകങ്ങളെ അനുസരിച്ച് ഓരോ ഇടത്തും ഈ അനുപാതത്തില്‍ ഏറ്റക്കുറച്ചിലുണ്ട്. സാധാരണയായി ഇന്റന്‍സീവ് കെയറിലാണ് ഏറ്റവും കൂടുതല്‍ ഡിപ്പെന്റന്‍സി അനുപാതമായ 1;1 നിലവിലുള്ളത്. ഓസ്ട്രേലിയയില്‍ സാധാരണ നിലയിലുള്ള നഴ്സ്~രോഗി അനുപാതം നാല് രോഗികള്‍ക്ക് ഒരു നഴ്സെന്ന തോതിലാണ്. നൈറ്റ് ഡ്യൂട്ടിയില്‍ ഇതിന് വ്യത്യാസമുണ്ടാകും. ഇവിടുത്തെ ഇന്റന്‍സീവ് കെയര്‍ അനുപാതം ഒരു രോഗിക്ക് ഒരു നഴ്സെന്ന തോതിലാണ്.

യുകെയില്‍ നഴ്സുമാരെ നിയന്ത്രിക്കുന്നത് നഴ്സിംഗ് ആന്‍ഡ് മിഡ് വൈഫറി കൗണ്‍സില്‍ അഥവാ എന്‍എംസിയാണ്. പ്രാക്ടീസ് ചെയ്യുന്നതിനായി ഓരോ നഴ്സും എന്‍എംസിയിലേക്ക് വര്‍ഷത്തില്‍ 120 പൗണ്ട് അഥവാ 215 ഡോളര്‍ നല്‍കണം. തങ്ങളുടെ ഇന്റര്‍നാഷണല്‍ രജിസ്ട്രേഷന്‍ യുകെയിലേക്ക് ട്രാന്‍സ്ഫര്‍ ചെയ്യാനാഗ്രഹിക്കുന്ന നഴ്സുമാര്‍ അപേക്ഷാ ഫീസായി 1415 പ ൗണ്ട് അഥവാ 2515 ഡോളര്‍ അടക്കേണ്ടതാണ്. ഇതുപോലെ, ഓസ്ട്രേലിയയിലെ നഴ്സുമാരെ നിയന്ത്രിക്കുന്നത് ദി ഓസ്ട്രേലിയന്‍ ഹെല്‍ത്ത് പ്രാക്ടീഷണര്‍ റെഗുലേഷന്‍ ഏജന്‍സിയുടെ നഴ്സിംഗ് ആന്‍ഡ് മിഡ് വൈഫറി ബോര്‍ഡ് ഓഫ് ഓസ്ട്രേലിയ അഥവാ എന്‍എംബിഎ ആണ്. ഇവിടെ പ്രാക്ടീസ് ചെയ്യുന്നതിനായി നഴ്സുമാര്‍ ഇതിലേക്കായി പ്രതിവര്‍ഷം 150 ഡോളര്‍ അഥവാ 85 പൗണ്ടാണ് നല്‍കേണ്ടത്. തങ്ങളുടെ ഇന്റര്‍നാഷണല്‍ രജിസ്ട്രേഷന്‍ ഓസ്ട്രേലിയയിലേക്ക് ട്രാന്‍സ്ഫര്‍ ചെയ്യാനാഗ്രഹിക്കുന്ന നഴ്സുമാര്‍ അപേക്ഷാ ഫീസായി 515 ഡോളര്‍ അഥവാ 290 പൗണ്ട് അടക്കേണ്ടതാണ്.

യുകെയില്‍ ഫുള്‍ ടൈം നഴ്സുമാര്‍ ആഴ്ചയില്‍ 37.5 മണിക്കൂറുകളാണ് ജോലി ചെയ്യേണ്ടത്. പകല്‍, രാത്രി, വീക്കെന്‍ഡുകള്‍ എന്നിവയടങ്ങുന്നതാണ് ജോലി സമയം. അണ്‍സോഷ്യല്‍ ഔവറുകളില്‍ ജോലി ചെയ്യുന്നവര്‍ക്ക് ഉയര്‍ന്ന നിരക്കില്‍ ശമ്പളം ലഭിക്കും. യുകെയിലെ ഭൂരിഭാഗം ഹെല്‍ത്ത് കെയര്‍ സ്ഥാപനങ്ങളിലും പൊതുവെ 12.5 മണിക്കൂര്‍ നീളുന്ന ഷിഫ്റ്റാണുള്ളത്. എന്നാല്‍ 7 മണിക്കൂര്‍ നേരം മാത്രമുളള ഷിഫ്റ്റുകളും ശ്രമിച്ചാല്‍ നഴ്സുമാര്‍ക്ക് ചോദിച്ച് വാങ്ങാനാവും.

ഓവര്‍ടൈം ചെയ്യുന്നവര്‍ക്ക് സ്ററാന്‍ഡേര്‍ഡ് നിരക്കിലാണ് ശമ്പളം. ഓസ്ട്രേലിയയില്‍ ഫുള്‍ ടൈം നഴ്സുമാര്‍ ആഴ്ചയില്‍ ജോലി ചെയ്യേണ്ടത് ഏതാണ്ട് 40 മണിക്കൂറുകളാണ്. ഇവിടുത്തെ ഭൂരിഭാഗം ഹെല്‍ത്ത് കെയര്‍ സ്ഥാപനങ്ങളിലും ദൈര്‍ഘ്യം കുറഞ്ഞ ഷിഫ്റ്റുകളാണ്. പകല്‍, രാത്രി, വീക്കെന്‍ഡുകള്‍ എന്നിവ അടങ്ങുന്നതാണ് ഷിഫ്റ്റുകള്‍.

നഴ്സുമാരെ സംബന്ധിച്ചിടത്തോളം യുകെയിലും ഓസ്ട്രേലിയയിലും ഏതാണ്ട് തുല്യമായ തൊഴിലവസരങ്ങളാണുള്ളത്. ൈ്രപമറി കെയര്‍, സെക്കന്‍ഡറി കെയര്‍, കെയര്‍ഹോമുകള്‍, ഹോസ്പിസ് കെയര്‍, കമ്മ്യൂണിറ്റി നഴ്സിംഗ് എന്നിവിടങ്ങളിലെ അവസരങ്ങള്‍ ഇതിലുള്‍പ്പെടുന്നു. യുകെയില്‍ നിലവില്‍ നഴ്സുമാരുടെ വന്‍ കുറവാണ് അനുഭവപ്പെടുന്നത്. അതിനാല്‍ ഇവിടെ തൊഴിലവസരങ്ങളേറെയുണ്ട്. ഓസ്ട്രേലിയയിലും നഴ്സുമാരുടെ ക്ഷാമം ഉണ്ടെങ്കിലും ഇവിടെ നഴ്സ് ജോലി നേടാന്‍ മത്സരം താരതമ്യേന കൂടുതലാണ്.
- dated 17 Jul 2019


Comments:
Keywords: Australia - Otta Nottathil - 17720191nurse Australia - Otta Nottathil - 17720191nurse,pravasi news,malayalam news portal,malayalam news from Europe,Gulf malayalam news,American malayalam news,Canadian malayalam news,Singapore malayalam news,Australia malayalam news,Newzealand malayalam news,Malayalees News Portal,Malayali News,News for Mallus,Finance, Education, Sports, Classifieds, Current Affairs, Special & Entertainment News. Classifieds include Real Estate, Condolence, Matrimonial, Job Vacancies, Buy & Sell of products and services, Greetings. Pravasi Lokam - pravasionline.com- a pravasi malayalam news portal. Malayalam Pravasi news from Europe,Gulf malayalam news,American malayalam news,Canadian malayalam news,Singapore malayalam news, Australia malayalam news,Newzealand malayalam news,Inda and other countries. Covers topics - News headlines, Finance, Education, Sports, Classifieds, Current Affairs, Special & Entertainment News. Classifieds include Real Estate, Condolence, Matrimonial, Job Vacancies, Buy & Sell of products and services, Greetings.
Other News Titles:
Advertisements
© PravasiOnline Since 2007. All rights reserved.
pravasionline.com : eServices : regionalportalWWWDEVplug
Questions or feedback regarding our web presence please do not hesitate to contact us.
Pravasilokam – A Pravasi Malayalam News Portal
Home | Advertise | Link Exchange | SiteMap | Contact Us