റെയില്‍വേ സ്റ്റേഷനു സമീപമാണ് കുത്തേറ്റത്. പ്രതിയെ സാര്‍സ്റെറഡിലെ വിപുലമായ കമ്പനി സൈറ്റിന്റെ പ്രദേശത്ത് വൈകുന്നേരം പ്രത്യേക സേന അറസ്ററ് ചെയ്തതായി പോലീസും പബ്ളിക് പ്രോസിക്യൂട്ടറുടെ ഓഫീസും സംയുക്ത പത്രക്കുറിപ്പില്‍ അറിയിച്ചു. സാക്ഷി മൊഴികളിലൂടെയും നിരീക്ഷണ ക്യാമറകളുടെ വിലയിരുത്തലിലൂടെയും അന്വേഷണ ഉദ്യോഗസ്ഥര്‍ ആളെ കണ്ടെത്തി. കുറ്റകൃത്യം നടന്ന സ്ഥലത്തിന് സമീപത്ത് നിന്ന് ഒരു കത്തി കണ്ടെത്തി. കൊലപാതകത്തിന് ഉപയോഗിച്ച ആയുധമാണോ ഇതെന്ന് ഇതുവരെ വ്യക്തമായിട്ടില്ലെന്ന് പബ്ളിക് പ്രോസിക്യൂട്ടറുടെ ഓഫീസ് അറിയിച്ചു. പോലീസ് പറയുന്നതനുസരിച്ച്, പ്രതിയുടെ ഉദ്ദേശ്യം ഇപ്പോഴും വ്യക്തമല്ല. ഒരു തീവ്രവാദ പശ്ചാത്തലത്തിന് ഇതുവരെ തെളിവുകളൊന്നും ലഭിച്ചിട്ടില്ലെന്ന് വക്താവ് പറഞ്ഞു. കുറ്റകൃത്യം സാര്‍സ്റെറഡിലെ അഭയാര്‍ത്ഥി പാര്‍പ്പിടത്തിന്റെ പ്രവര്‍ത്തനത്തെ ബാധിക്കുമോ എന്ന ആശങ്കയിലാണ് അധികൃതര്‍.
അതേസമയം ഹെസന്‍ സംസ്ഥാനത്തിലെ ദാംസ്ററാട്ടില്‍ ഒരു അഫ്ഗാന്‍ അഭയാര്‍ത്ഥി ട്രാഫിക് ലൈറ്റുകള്‍ അവഗണിച്ച് റോഡ്സൈഡില്‍ പാര്‍ക്ക് ചെയ്തിരുന്ന കാറിനു നേരെയും കാല്‍നടക്കാര്‍ക്കു നേരെയും കാറോടിച്ച് കയറ്റിയത് കാറുടമയ്ക്ക് പരിക്കേറ്റു.
പ്രതിയെ അറസ്ററുചെയ്തു. ദൈവത്തിന്റെ കല്‍പ്പനപ്രകാരമാണ് ഈ പ്രവര്‍ത്തി ചെയ്തതതെന്ന് അക്രമി പോലീസിനോട് പറഞ്ഞതായി ജര്‍മന്‍ മാദ്ധ്യമങ്ങള്‍ റിപ്പോര്‍ട്ടു ചെയ്തു.
Comments: