Gulf - Otta Nottathil - 6220231musharraf

Advertisements

കാര്‍ഗില്‍ യുദ്ധത്തിന്റെ ശില്‍പ്പിക്ക് അന്ത്യയാത്ര

Photo #1 - Gulf - Otta Nottathil - 6220231musharraf

ദുബായ്: ദുബായില്‍ അന്തരിച്ച പാക്കിസ്താനിലെ മുന്‍ സൈനിക ഏകാധിപതി പര്‍വേസ് മുഷറഫിനെ ഇന്ത്യ ഓര്‍മിക്കുന്നത് കാര്‍ഗില്‍ യുദ്ധത്തിന്റെ ശില്‍പ്പി എന്നായിരിക്കും. ഇന്ത്യന്‍ പ്രധാനമന്ത്രിയായിരുന്ന എ.ബി. വാജ്പേയിയും പാക് പ്രധാനമന്ത്രിയായിരുന്ന നവാസ് ഷെരീഫും തുടങ്ങിവച്ച സമാധാന ശ്രമങ്ങള്‍ തകര്‍ത്തത് മുഷറഫ് ആസൂത്രണം ചെയ്ത കാര്‍ഗില്‍ യുദ്ധമായിരുന്നു.

പാക്കിസ്താന് ശക്തമായ തിരിച്ചടി നേരിട്ടെങ്കിലും, ഇന്ത്യയും പാക്കിസ്ഥാനും തമ്മിലുള്ള ശത്രുത കുറയാതെ നിര്‍ത്തുക എന്ന പാക് സൈനിക നേതൃത്വത്തിന്റെ ലക്ഷ്യം അവിടെ സാക്ഷാത്കരിക്കപ്പെട്ടു. കാര്‍ഗില്‍ യുദ്ധത്തില്‍ തളര്‍ന്ന രാജ്യത്തെ ഭരണകൂടത്തെ അട്ടിമറിച്ചാണ് മുഷറഫ് ഭരണം പിടിച്ചെടുക്കുന്നത്. ഒരുപക്ഷേ, അതു തന്നെയായിരുന്നിരിക്കാം അയല്‍ രാജ്യത്തേക്കുള്ള നുഴഞ്ഞുകയറ്റത്തിലൂടെ അയാള്‍ ലക്ഷ്യമിട്ടതും.

1943ല്‍ ഡല്‍ഹിയില്‍ ജനിച്ച മുഷറഫിന് ഇന്ത്യ സന്ദര്‍ശനവേളയില്‍ അന്നത്തെ പ്രധാനമന്ത്രി മന്‍മോഹന്‍ സിങ്ങാണ് ജനന സര്‍ട്ടിഫിക്കറ്റ് സമ്മാനിച്ചത്. 1964ലാണ് മുശര്‍റഫ് പട്ടാളത്തില്‍ ചേരുന്നത്. 1965ലെയും 1971ലെയും യുദ്ധങ്ങളില്‍ നേരിട്ട് പങ്കെടുത്തു. മുഷറഫ് സൈനിക മേധാവിയായിരുന്ന കാലത്താണ് പാകിസ്താന്‍ ഇന്ത്യക്ക് നിരന്തരം അസ്വസ്ഥതകള്‍ സൃഷ്ടിച്ചത്.

2001ല്‍ പാക് പ്രസിഡന്റായ മുഷറഫ് 2008 ലാണ് സ്ഥാനം ഒഴിയുന്നത്. ഇംപീച്ച്മെന്റ് നടപടികള്‍ ഒഴിവാക്കാനായിരുന്നു ഇത്. തുടര്‍ന്ന് വിദേശത്തേക്കു കടന്നു. 2013 ല്‍ പാര്‍ലമെന്റിലേക്ക് മത്സരിക്കാന്‍ പാക്കിസ്താനില്‍ തിരിച്ചെത്തിയെങ്കിലും നാഷണല്‍ അംബ്ളിയിലേക്ക് മത്സരിക്കാന്‍ നല്‍കിയ പത്രികകളെല്ലാം നിരാകരിക്കപ്പെട്ടു. തൊട്ടു പിന്നാലെ അറസ്ററിലായി. 2016ല്‍ രാജ്യം വിട്ട മുഷറഫ് പിന്നീട് ദുബായിലായിരുന്നു താമസം.

ഇതിനിടെ ഭരണഘടന അട്ടിമറിച്ചതിന് മുഷറഫിനു പാക് കോടതി വധശിക്ഷ വിധിച്ചു. പിന്നീട് വിധി റദ്ദാക്കിയെങ്കിലും മുഷറഫിനു പിന്നീടൊരിക്കലും രാജ്യത്തേക്കു തിരിച്ചെത്താനായില്ല. 2017ല്‍ ബേനസീര്‍ ഭൂട്ടോ വധക്കേസില്‍ മുഷറഫിനെ പിടികിട്ടാപ്പുള്ളിയായും പ്രഖ്യാപിച്ചു. 2018ല്‍ ദേശീയ തിരിച്ചറിയല്‍ കാര്‍ഡും പാസ്പോര്‍ട്ടും മരവിപ്പിക്കുകയും ചെയ്തിരുന്നു.

- dated 06 Feb 2023

Comments:

Keywords: Gulf - Otta Nottathil - 6220231musharraf Gulf - Otta Nottathil - 6220231musharraf,pravasi news,malayalam news portal,malayalam news from Europe,Gulf malayalam news,American malayalam news,Canadian malayalam news,Singapore malayalam news,Australia malayalam news,Newzealand malayalam news,Malayalees News Portal,Malayali News,News for Mallus,Finance, Education, Sports, Classifieds, Current Affairs, Special & Entertainment News. Classifieds include Real Estate, Condolence, Matrimonial, Job Vacancies, Buy & Sell of products and services, Greetings. Pravasi Lokam - pravasionline.com- a pravasi malayalam news portal. Malayalam Pravasi news from Europe,Gulf malayalam news,American malayalam news,Canadian malayalam news,Singapore malayalam news, Australia malayalam news,Newzealand malayalam news,Inda and other countries. Covers topics - News headlines, Finance, Education, Sports, Classifieds, Current Affairs, Special & Entertainment News. Classifieds include Real Estate, Condolence, Matrimonial, Job Vacancies, Buy & Sell of products and services, Greetings.

Other News Titles: