Advertisements
|
കേരളത്തില്‍ അടഞ്ഞുകിടക്കുന്ന വീടുകളെപ്പറ്റി ദുബായ് പ്രവാസിയുടെ കുറിപ്പ്
ചാക്കോ പോള്‍
ഞങ്ങളുടെ സുഹൃത്തും ദുബായി പ്രവവാസിയുമായ കഞ്ഞിരപ്പള്ളി കൂവപ്പള്ളി സ്വദേശിയാണ് ഈ കുറിപ്പിന്റെ ഉടമ.
ദുബായ്: അടഞ്ഞു കിടക്കുന്ന വീടുകള്‍ ഓരോ പ്രവാസിയെയും നാട്ടിലേക്ക് ഇടക്കിടെ വരാനായി മാടി വിളിക്കുന്ന അഭയ സങ്കേതങ്ങളാണ്.
യൂറോപ്പ്, കാനഡ, അമേരിക്ക, ആസ്ട്രേലിയ, ന്യൂസിലാന്‍ഡ് പോലുള്ള രാജ്യങ്ങള്‍ നല്‍കുന്ന PR എന്നറിയപ്പെടുന്ന Permenant Residencytbm പൗരത്വമോ ഒന്നും ഗള്‍ഫിലും മറ്റ് അറബ് രാജ്യങ്ങളിലും ജോലി ചെയ്ത് ജീവിക്കുന്ന പ്രവാസിക്ക് ലഭിക്കില്ല. അതുകൊണ്ട് അവിടങ്ങളില്‍ ജോലിക്ക് ചെയ്യുന്നവര്‍ക്കും ബിസിനസ്സുകാര്‍ക്കും നിയമപ്രകാരം അവിടങ്ങളില്‍ സ്ഥിരതാമസത്തിനൊട്ട് അനുവാദവുമില്ല. അവരവര്‍ക്കു ലഭിക്കുന്ന വിവിധ തരത്തിലുള്ള വിസ അനുവദിക്കുന്ന കാലാവധി കഴിയുമ്പോള്‍ അവ പുതുക്കാന്‍ സാധിച്ചില്ലേല്‍ തിരികെ അവനവന്റെ നാടുപിടിക്കുക ~ അത്ര തന്നെ.
അതുകൊണ്ടാണ് കുടുംബമായി ഗള്‍ഫ് നാടുകളില്‍ ജീവിക്കുന്ന കൂടുതല്‍ പ്രാവാസികളും നാട്ടില്‍ വീടുവച്ച് അടിച്ചിടുന്നതിന് കാരണം. അവര്‍ ഇടക്കിടെ അവധിക്ക് നാട്ടില്‍ വരുമ്പോള്‍ താമസിക്കാനിടം വേണ്ടിയതു കൊണ്ടാണ് അവ വാടകക്ക് കൊടുക്കാത്തതിന്റെയും കാരണം. അല്ലാതെ പണം ഏറെയുണ്ടായിട്ടല്ല.
ഏറെപ്പേരും വിദേശത്തു നിന്നോ നാട്ടില്‍ നിന്നോ ബാങ്ക് വായ്പയെടുത്താവും ഇത്തരം വീടുകള്‍ നിര്‍മ്മിക്കുന്നതു തന്നെ.
വായ്പയുടെ EMI കൂടാതെ, വീടിന്റെ വിസ്തൃതി 3000 സ്വകയര്‍ ഫീറ്റിലധികകമായാല്‍, ലക്ഷ്വറി ടാക്സും തദ്ദേശ സ്വയംഭരണവകുപ്പീടാക്കുന്ന വീട്ടുകരവും ഉപയോഗിച്ചില്ലേലും നല്‍കേണ്ടിയ വൈദ്യുതി ബില്ലും എല്ലാമായി ഏകദേശം വലിയ തുക വര്‍ഷാവര്‍ഷം ഒടുക്കിയാണ് ഓരോരുത്തരെ മേല്‍നോട്ടത്തിനും സംരക്ഷണത്തിനുമൊക്കെ ഏല്‍പ്പിച്ച് വീടുകള്‍ പരിപാലിക്കുന്നതുതന്നെ.
ഇത്തരം അടച്ചിടുന്ന വീടുകളെയെല്ലാം പണത്തിന്റെ കുത്തിക്കഴപ്പു കൊണ്ടുണ്ടാക്കി അടച്ചിടുന്ന ബൂര്‍ഷ്വാസികളുടെ വീടുകളായി കണ്ട്, നികുതി അടിച്ചേല്‍പ്പിക്കുന്ന കേരളത്തിലെ പുതിയ നിയമം ഒരു നെഗറ്റീവ് ഇംപക്ട് ആണ് പ്രവാസികളില്‍ ഇപ്പോള്‍ ഉണ്ടാക്കിയിരിക്കുന്നത്. ഭാവിയില്‍ ഇത്തരം വീടുകള്‍ പിടിച്ചെടുക്കപ്പെടാന്‍വരെ സാധ്യതയുണ്ടെന്നാണ് ഇപ്പോള്‍ പ്രാവാസികളുടെയിടയിലുള്ള പ്രതീതി... അതുകൊണ്ട്, നാട്ടിലിനി വീടുണ്ടാക്കിയിയാല്‍ നാട്ടിലെ പണമില്ലാത്ത സര്‍ക്കാരും അവരുടെ പിണിയാളുകളും ഭാവിയില്‍ പണി തന്നേക്കും എന്നാണ് പരക്കെയുള്ള സംസാരം.
നാടിന് വിദേശനാണ്യം സ്ഥിരമായി നേടിത്തരുന്ന ഗള്‍ഫ് പ്രവാസികളെ ഇത്തരം ആശങ്കകളിലേക്ക് തള്ളിവിടുന്നത് എന്തിന് ?
അതുകൊണ്ടുള്ള നേട്ടമെന്ത്?
PR ഉം പൗരത്വവുമൊക്കെ നല്‍കുന്ന രാജ്യങ്ങളില്‍ ചേക്കേറുന്നവര്‍ പണം അധികമായുള്ളതുകൊണ്ടാവാം നാട്ടില്‍ വീടുണ്ടാക്കി അടച്ചിടുന്നത്. അവരുടെയൊപ്പം അവിടങ്ങളില്‍ ജനിച്ചു വളരുന്ന മക്കളെല്ലാം അവിടങ്ങളില്‍ തന്നെ തമ്പടിക്കാന്‍ താല്‍പര്യപ്പെടുന്നതുകൊണ്ട് അവരില്‍ ഭൂരിപക്ഷവും അനിഷ്ടത്തോടെയെങ്കിലും തിരികെ നാട്ടിലേക്ക് വരാതെ അവിടങ്ങളില്‍ തളക്കപ്പെടുമെന്നറിഞ്ഞുകൊണ്ട് തന്നെ അവധിക്കാലങ്ങളില്‍ മാത്രം ഉപയോഗിക്കാനായി നിര്‍മ്മിക്കുന്ന വീടുകളാവാമവ.
എന്നാല്‍, 100% ഭാരത പൗരത്വമുള്ള, നാട്ടില്‍ നിരന്തരമായ ബന്ധം നിലനിര്‍ത്തുന്ന ഗള്‍ഫ് പ്രവാസികളുടെ കാര്യം ഇതിലേറെ വിഭിന്നമാണ്.
മാതാപിതാക്കള്‍ മരണപ്പെട്ട ഗള്‍ഫ് പ്രവാസികളെ, വര്‍ഷത്തില്‍ ഇടക്കിടെ നാട്ടിലേക്ക് അവധിക്ക് വന്ന് പണം ചിലവിടാന്‍ പ്രേരിപ്പിക്കുന്ന പ്രധാന ഘടകം അവരുടെ ഈ വീടുകളാണ്. അതില്ലേല്‍ അവരുടെ ഇടക്കാല അവധികള്‍ അവിടങ്ങളില്‍ തന്നെ ചിലവഴിക്കാന്‍ നിര്‍ബന്ധിതരാക്കിയേക്കാം. അല്ലെങ്കില്‍ മറ്റ് രാജ്യങ്ങള്‍ സന്ദര്‍ശിക്കാനാവാം ആ ഇടവേളകള്‍ ഉപയോഗിക്കുക.
ഇതിന്റെയെല്ലാം നഷ്ടം നാടിനാണ്. നാട്ടിലെ വ്യാപാര സ്ഥാപനങ്ങള്‍ക്കാണ്. ഇതൊന്നും മുന്‍കൂട്ടി കാണാനോ തിരിച്ചറിയാനോ ഉള്ള ബുദ്ധിയില്ലാത്തവരായിപ്പോയല്ലോ നമ്മെ ഭരിക്കുന്നവരും അവരെ ഉപദേശിക്കുന്നവരുമെല്ലാം.
എന്തായാലും വിദേശത്ത് ജഞ ഉള്ളവര്‍ ഇനി ഈ മിനക്കെട്ട പണിക്ക് നില്‍ക്കാന്‍ സാധ്യതയില്ല... ഇടക്കിടെയുള്ള അവരുടെ കുടുംബസമേതമുള്ള സന്ദര്‍ശനവും ക്രമേണ കുറയും. ഗള്‍ഫുകാരാണേല്‍ ഒന്നു കൂടി ആലോചിച്ചേ വീടു നിര്‍മ്മിക്കൂ. തിരിച്ചു വന്നിട്ടാവാം എന്നൊക്കെക്കരുതി നിര്‍മ്മാണം മാറ്റിവച്ചേക്കാം... ഫലമോ.... നിര്‍മ്മാണ മേഖലയിലും ഇനി മാന്ദ്യമുണ്ടായേക്കാം...
മാന്ദ്യമായാലെന്ത് ... ഇന്നത്തെ കാര്യം കഴിഞ്ഞല്ലേ നാളെ .... അടിച്ചു കലക്കി ബാക്കി വല്ലോമുണ്ടേല്‍ നാളെ .... ഇല്ലേല്‍ കയ്യൂക്കുള്ള കാര്യക്കാരുള്ളപ്പോള്‍ പിടിച്ചു പറിക്കാനാണോ മറ്റു മാര്‍ഗ്ഗങ്ങളില്ലാത്തത്... അല്ലേ...?
നടക്കട്ടെ.... എവിടം വരെയെത്തും എന്ന് കണ്ടറിയാം. |
|
- dated 12 Feb 2023
|
|
|
|
Comments:
Keywords: Gulf - Otta Nottathil - chacko_paul_article Gulf - Otta Nottathil - chacko_paul_article,pravasi news,malayalam news portal,malayalam news from Europe,Gulf malayalam news,American malayalam news,Canadian malayalam news,Singapore malayalam news,Australia malayalam news,Newzealand malayalam news,Malayalees News Portal,Malayali News,News for Mallus,Finance, Education, Sports, Classifieds, Current Affairs, Special & Entertainment News. Classifieds include Real Estate, Condolence, Matrimonial, Job Vacancies, Buy & Sell of products and services, Greetings. Pravasi Lokam - pravasionline.com- a pravasi malayalam news portal. Malayalam Pravasi news from Europe,Gulf malayalam news,American malayalam news,Canadian malayalam news,Singapore malayalam news, Australia malayalam news,Newzealand malayalam news,Inda and other countries. Covers topics - News headlines, Finance, Education, Sports, Classifieds, Current Affairs, Special & Entertainment News. Classifieds include Real Estate, Condolence, Matrimonial, Job Vacancies, Buy & Sell of products and services, Greetings.
|
Other News Titles:
|
|
Advertisements
|
