ന്യൂഡല്‍ഹി: വിദേശ രാജ്യങ്ങളിലുള്ള ഇന്ത്യക്കാര്‍ക്ക് കാര്യക്ഷമമായ നിയമസഹായം ഉറപ്പുവരുത്തണമെന്ന് ആവശ്യപ്പെട്ട് പ്രവാസി ലീഗല്‍ സെല്‍ ഇന്ത്യന്‍ വിദേശകാര്യ മന്ത്രാലയത്തിന് നിവേദനം നല്‍കി. വിദേശരാജ്യത്ത് മൂന്ന് ഇന്ത്യക്കാര്‍ വധശിക്ഷക്ക് വിധേയരായ പശ്ചാത്തലത്തിലാണ് ഈ ആവശ്യമുന്നയിച്ചുകൊണ്ട് നിവേദനം സമര്‍പ്പിച്ചത്. അര്‍ഹരായ എല്ലാ ഇന്ത്യന്‍ പൗരന്മാര്‍ക്കും സൗജന്യ നിയമ സഹായം ഉറപ്പുവരുത്താന്‍ ലീഗല്‍ സര്‍വീസ് അതോറിറ്റീസ് ആക്ട് വ്യവസ്ഥ ചെയ്യുന്നുണ്ടെന്നും ഈ ആനുകൂല്യം വിദേശത്തുള്ള ഇന്ത്യക്കാര്‍ക്കും ഉറപ്പുവരുത്തണമെന്നുമാണ് നിവേദനത്തിലെ പ്രധാന ആവശ്യം.
അടുത്തിടെ വിദേശ രാജ്യത്ത് ഇന്ത്യക്കാര്‍ വധശിക്ഷക്ക് വിധേയരായി ഏതാനും ദിവസങ്ങള്‍ക്കു ശേഷമാണ് ഈ വിവരം ഡല്‍ഹി ഹൈക്കോടതി മുഖേന കുടുംബമറിയുന്നത് തന്നെ. കാര്യക്ഷമമായ നിയമസഹായം വിദേശ ഇന്ത്യക്കാര്‍ക്ക് കിട്ടുന്നില്ല എന്നുള്ളതിന് ഉത്തമഉദാഹരണമാണ് ഈ സംഭവം എന്ന് പ്രവാസി ലീഗല്‍ സെല്‍ ഗ്ളോബല്‍ പ്രസിഡന്‍റ് അഡ്വ. ജോസ് എബ്രഹാം നിവേദനത്തില്‍ ചൂണ്ടിക്കാട്ടുന്നു.
ഇന്ത്യന്‍ പൗരന്മാരെ സഹായിക്കാനായി കൊണ്ടുവന്ന ഇന്ത്യന്‍ കമ്മ്യൂണിറ്റി ഡവലപ്മെന്‍റ് ഫണ്ടും കാര്യക്ഷമമായി വിനിയോഗിക്കുന്നില്ല എന്ന് നിവേദനത്തില്‍ പറയുന്നു. ഈ വിഷയത്തില്‍ അടിയന്തരമായ നടപടി പ്രതീക്ഷിക്കുന്നതായി പ്രവാസി ലീഗല്‍ സെല്‍ ഗ്ളോബല്‍ വക്താവ് സുധീര്‍ തിരുനിലത്ത് വാര്‍ത്താകുറിപ്പില്‍ പറഞ്ഞു.
- Since 2007
വിദേശരാജ്യങ്ങളിലെ ഇന്ത്യക്കാരുടെ വധശിക്ഷ: നിയമസഹായം ഉറപ്പാക്കാന്‍ നിവേദനം
- dated 11 Mar 2025
Other News Titles:
ഗള്‍ഫ് ഹോര്‍മുസ് കടലിടുക്കില്‍ ഇറാന്‍ രണ്ട് കപ്പലുകള്‍ പിടിച്ചെടുത്തതിനെ തുടര്‍ന്ന് സംഘര്‍ഷാവസ്ഥ ശക്തമായി
ഗള്‍ഫ് ഇറാനില്‍ 5 ദിവസത്തെ താല്‍ക്കാലിക വെടിനിര്‍ത്തല്‍ പ്രഖ്യാപിച്ച് ട്രംപ്
ഗള്‍ഫ് അലി ഖമേനിയുടെ പിന്‍ഗാമിയായി രണ്ടാമത്തെ മകന്‍ മുജ്തബ ഖമേനിയെ തെരഞ്ഞെടുത്തു
ഗള്‍ഫ് പശ്ചിമേഷ്യയില്‍ യുദ്ധഭീതി: ഗള്‍ഫ് വിമാനങ്ങള്‍ റദ്ദാക്കി; ഇന്ത്യയില്‍ നിന്നുള്ള വിമാനങ്ങള്‍ തിരിച്ചയച്ചു
ഗള്‍ഫ് ഗള്‍ഫ് രാജ്യങ്ങളിലേക്കുള്ള വിമാന സര്‍വീസുകള്‍ പരിമിതമായ തോതില്‍ വീണ്ടും തുടങ്ങി
ഗള്‍ഫ് ഇറാനെ ഇസ്രായേല്‍ 'ലോക്ക്' ചെയ്തത് ഇങ്ങനെ; ഖമേനി കുടുങ്ങിയത് ചാരവലയില്‍
ഗള്‍ഫ് ഇറാന്‍ യുദ്ധം: ആണവനിലയത്തിന് കേടുപാട്, യൂറോപ്പിന് ഇറാന്റെ ഭീഷണി
Comments: