ട്രെയിനില്‍ യാത്രചെയ്താണ് ഒലാഫ് ഷോള്‍സ് ഉക്രെയ്നില്‍ എത്തിയത്. രണ്ട് വര്‍ഷത്തിനിടെ ജര്‍മ്മന്‍ ചാന്‍സലറുടെ ഉക്രെയ്നിലേക്കുള്ള ആദ്യ യാത്രയായിരുന്നു. റഷ്യയില്‍ നിന്ന് തങ്ങളുടെ അധിനിവേശ പ്രദേശം തിരിച്ചുപിടിക്കാന്‍ ഉക്രെയ്ന്‍ നയതന്ത്ര പരിഹാരങ്ങള്‍ കണ്ടെത്തണമെന്ന് സെലെന്‍സ്കി ആവശ്യപ്പെട്ടു.
ദീര്‍ഘദൂര ജര്‍മ്മന്‍ മിസൈല്‍ ഡെലിവറികള്‍, നാറ്റോയില്‍ ഉക്രെയ്നിന്റെ സാധ്യതയുള്ള അംഗത്വം എന്നിവയെക്കുറിച്ചുള്ള ചോദ്യങ്ങളില്‍ ഉക്രേനിയന്‍ പ്രസിഡന്റ് വോലോഡെമിര്‍ സെലെന്‍സ്കിയും സന്ദര്‍ശിക്കുന്ന ജര്‍മ്മന്‍ ചാന്‍സലര്‍ ഒലാഫ് ഷോള്‍സും ഭിന്നത തുടര്‍ന്നു.
തിങ്കളാഴ്ച രാവിലെ അപ്രതീക്ഷിത സന്ദര്‍ശനത്തിനായി ഉക്രേനിയന്‍ തലസ്ഥാനത്ത് എത്തിയ ഷോള്‍സ്, വ്യോമ പ്രതിരോധ സംവിധാനങ്ങള്‍, ഹോവിറ്റ്സര്‍, യുദ്ധ, രഹസ്യാന്വേഷണ ഡ്രോണുകള്‍, പീരങ്കി വെടിക്കോപ്പുകള്‍ എന്നിവയുള്‍പ്പെടെ 650 ദശലക്ഷം യൂറോ (685 ദശലക്ഷം ഡോളര്‍) അധിക സൈനിക സഹായം പ്രഖ്യാപിച്ചു.
യഥാര്‍ത്ഥത്തില്‍, ഇരുവരും ഇംഗ്ളീഷില്‍ സംഭാഷണത്തിനായി 30 മിനിറ്റ് മാത്രമേ പ്ളാന്‍ ചെയ്തിട്ടുള്ളൂ എന്നാല്‍ പിന്നീട് രഹസ്യ ചര്‍ച്ചകള്‍ 2.5 മണിക്കൂര്‍ നീണ്ടുനിന്നു.
അതേസമയം റഷ്യയിലേക്കുള്ള ചാന്‍സലര്‍ ഒലാഫ് ഷോള്‍സിന്റെ ഫോണ്‍ കോളില്‍ ഉക്രേനിയന്‍ പ്രസിഡന്റ് വോളോഡിമര്‍ സെലെന്‍സ്കി വിയോജിപ്പ് രേഖപ്പെടുത്തി.
ചൈനീസ് നിര്‍മ്മിത ഡ്രോണുകളുടെ ഉപയോഗവും റഷ്യന്‍ പ്രദേശത്ത് ഉത്തരകൊറിയന്‍ സൈനികരെ വിന്യസിച്ചതും സംഘര്‍ഷം വര്‍ധിപ്പിക്കുന്നുവെന്ന് ജര്‍മ്മന്‍ വിദേശകാര്യ മന്ത്രി അന്നലീന ബെയര്‍ബോക്ക് പറഞ്ഞു.
Comments: