അനില്‍കുമാറിന്റെ വരികള്‍ക്ക് പ്രമുഖ സംഗീതജ്ഞന്‍ എന്‍.യു സഞ്ജയ് ശിവ സംഗീതം നല്‍കി അദ്ദേഹം തന്നെയാണ് ഗാനം മനോഹരമായി ആലപിച്ചിരിക്കുന്നത്.
തിരുനക്കര മഹാദേവക്ഷേത്രത്തിലെ തൃക്കൊടിയേറ്റ് ദിനത്തില്‍ ഭഗവാന് ഒരു ഗാനാര്‍ച്ചനയായാണ് കോട്ടയം സ്വദേശിയായ അനില്‍കുമാര്‍ ഈ ഗാനം സമര്‍പ്പിച്ചിരിക്കുന്നത്. കെ.പി. പ്രസാദിന്റെ സംവിധാനത്തില്‍ ഒരു അനുഭവകഥയുടെ അടിസ്ഥാനത്തില്‍ തയ്യാറാക്കിയ ഗാനത്തിന്റെ ഛായാഗ്രഹണവും എഡിറ്റിങ്ങും ജയകൃഷ്ണന്‍ റെഡ് മൂവീസാണ് നിര്‍വ്വഹിച്ചിരിക്കുന്നത്.
തിരുനക്കര മഹാദേവക്ഷേത്രവും അതിന്റെ പ്രാന്തപ്രദേശങ്ങളിലും ചിത്രീകരിച്ചിരിക്കുന്ന ഈ ഭക്തിഗാന ആല്‍ബത്തില്‍ പ്രധാനമായും അഭിനയിച്ചിരിക്കുന്നത് സഞ്ജയ് ശിവയും, ഗുരുവന്ദിതയും, സോമശേഖരന്‍ നായരുമാണ്. ആര്‍ട്ട് & മേയ്ക്കപ്പ് അജിത് പുതുപ്പള്ളിയും, ക്യാമറാ അസ്സോസിയേറ്റ് പ്രീതീഷുമാണ്. ആദ്യകേള്‍വിയില്‍തന്നെ മനസില്‍ പതിയുന്ന വരികളും അതിനൊത്ത സംഗീതവും, ആലാപനത്തിന്റെ മനോഹാരിതയും ഈ ഗാനത്തെ വേറിട്ട സൃഷ്ടിയായി മാറ്റി.
സോഷ്യല്‍ മീഡിയയില്‍ ഇതിനോടകം വൈറലായിക്കഴിഞ്ഞ "മഹാദേവാ ഞാനറിഞ്ഞീലാ" എന്ന ഗാനം ആസ്വദിയ്ക്കുവാന്‍ താഴത്തെ ലിങ്കില്‍ ക്ളിക്ക് ചെയ്യുക.
https://youtu.be/5cKWTmHQFA0
Comments: