India - Associations - prime_ministers_speech_reaction_from

Advertisements

ബജറ്റ് പ്രഖ്യാപനങ്ങള്‍ ആവര്‍ത്തിച്ച് പ്രധാനമന്ത്രി കര്‍ഷകരെ അപമാനിച്ചു: വി.സി.സെബാസ്ററ്യന്‍

സ്വന്തം ലേഖകന്

Photo #1 - India - Associations - prime_ministers_speech_reaction_from_infam

തൃശൂര്‍: നോട്ട് അസാധുവാക്കല്‍മൂലം കഴിഞ്ഞ അന്‍പതിലേറെ ദിവസങ്ങളായി ഗ്രാമീണജനതയും കര്‍ഷകരും നേരിടുന്ന ദുരിതത്തിന് പരിഹാരമുണ്ടാകുമെന്ന് പ്രതീക്ഷിച്ചവര്‍ക്കു മുന്നില്‍ വ്യക്തമായ മറുപടിയോ ക്രിയാത്മക മാര്‍ഗ്ഗനിര്‍ദ്ദേശങ്ങളോ ഇല്ലാതെ കഴിഞ്ഞ കേന്ദ്രബജറ്റില്‍ ധനമന്ത്രി നടത്തിയ കര്‍ഷകപ്രഖ്യാപനങ്ങള്‍ നടപ്പിലാക്കാതെ വീണ്ടും ആവര്‍ത്തിച്ച് പ്രധാനമന്ത്രി കര്‍ഷകരെ അപമാനിച്ചുവെന്ന് ഇന്‍ഫാം ദേശീയ സെക്രട്ടറി ജനറല്‍ ഷെവലിയര്‍ അഡ്വ.വി.സി.സെബാസ്ററ്യന്‍ കുറ്റപ്പെടുത്തി.

നവംബര്‍ 8ന് ശേഷമുള്ള 50 ദിവസംകൊണ്ട് എത്രപണം ബാങ്കില്‍ തിരികെയെത്തിയെന്നോ രാജ്യത്ത് കള്ളപ്പണമെത്രയെന്നോ വ്യക്തമാക്കുവാന്‍ കേന്ദ്രസര്‍ക്കാരിന് സാധിക്കാത്തത് നിര്‍ഭാഗ്യകരമാണ്. കര്‍ഷകരും ഗ്രാമീണജനതയും അധ്വാനിച്ച് സ്വരുക്കൂട്ടി സഹകരണസംഘങ്ങളിലും ബാങ്കുകളിലുമിട്ട പണം പിന്‍വലിക്കാനുള്ള നിയന്ത്രണങ്ങള്‍ എപ്പോള്‍ നീങ്ങുമെന്ന് വ്യക്തമാക്കുവാന്‍ കഴിഞ്ഞ ദിവസം രാജ്യത്തോടുനടത്തിയ അഭിസംബോധനയില്‍ പ്രധാനമന്ത്രിക്കായില്ല. ജനജീവിതം കൂടുതല്‍ സങ്കീര്‍ണ്ണമാക്കി നിയന്ത്രണങ്ങള്‍ തുടരുമ്പോള്‍ പുതിയ സാമ്പത്തിക നടപടിക്കുമേല്‍ ജനങ്ങളുയര്‍ത്തുന്ന ചോദ്യങ്ങള്‍ക്ക് ഉത്തരം പറയേണ്ട ഉത്തരവാദിത്വം സര്‍ക്കാരിനുണ്ട്.

കര്‍ഷകര്‍ ഉല്പന്നങ്ങള്‍ വിറ്റഴിക്കുവാന്‍ സാധിക്കാതെ സാമ്പത്തിക ക്ഷാമം നേരിടുമ്പോള്‍ പ്രധാനമന്ത്രിയുടെ ആവര്‍ത്തിച്ചുള്ള ക്ഷേമപ്രഖ്യാപനങ്ങള്‍ മുഖവിലയ്ക്കെടുക്കാനാവില്ല. 2016 ഫെബ്രുവരിയിലെ കേന്ദ്രബജറ്റില്‍ 5 വര്‍ഷംകൊണ്ട് കര്‍ഷകന്റെ വരുമാനം ഇരട്ടിയാക്കുമെന്നുള്ള പ്രഖ്യാപനവും പദ്ധതിനിര്‍ദ്ദേശങ്ങളും നടപ്പിലാക്കുവാന്‍ ഒരു ശ്രമവും നടത്താതെ നോട്ടുപ്രതിസന്ധിയില്‍ വീണ്ടും ആവര്‍ത്തിക്കുന്നത് കര്‍ഷകരെ വിഢികളാക്കുന്നതാണ്.

2015 ലെ ഭക്ഷ്യസുരക്ഷാ നിയമത്തില്‍ ഗര്‍ഭിണികള്‍ക്ക് 6000 രൂപ ധനസഹായം നല്‍കുമെന്ന് വ്യവസ്ഥയുണ്ട്. ഈ പദ്ധതി നടപ്പിലാക്കാതെ ഇന്നത്തെ സാമ്പത്തിക പ്രതിസന്ധിയില്‍ വീണ്ടും ആവര്‍ത്തിച്ചിരിക്കുന്നത് വിരോധാഭാസമാണ്. ആവാസ് യോജന പദ്ധതിപ്രകാരം നഗരങ്ങളിലെ ദരിദ്രര്‍ക്ക് 6 ലക്ഷം രൂപവരെയെടുക്കുന്ന വായ്പയ്ക്ക് നിലവില്‍ വായ്പ ഇളവുകളുണ്ട്. ഈ ഇളവ് 20 ലക്ഷംവരെയുള്ള വായ്പയ്ക്ക് ഉയര്‍ത്തിയെന്ന പ്രഖ്യാപനം കൊട്ടിഘോഷിക്കുന്നത് ശരിയല്ല. 20 ലക്ഷം വരെ വായ്പയെടുക്കുന്ന നഗരത്തിലെ ദരിദ്രരെക്കുറിച്ചുള്ള കേന്ദ്രസര്‍ക്കാരിന്റെ കാഴ്ചപ്പാട് വളരെ വിചിത്രമാണെന്നും വി.സി.സെബാസ്ററ്യന്‍ പറഞ്ഞു.

- dated 02 Jan 2017

Comments:

Keywords: India - Associations - prime_ministers_speech_reaction_from_infam India - Associations - prime_ministers_speech_reaction_from_infam,pravasi news,malayalam news portal,malayalam news from Europe,Gulf malayalam news,American malayalam news,Canadian malayalam news,Singapore malayalam news,Australia malayalam news,Newzealand malayalam news,Malayalees News Portal,Malayali News,News for Mallus,Finance, Education, Sports, Classifieds, Current Affairs, Special & Entertainment News. Classifieds include Real Estate, Condolence, Matrimonial, Job Vacancies, Buy & Sell of products and services, Greetings. Pravasi Lokam - pravasionline.com- a pravasi malayalam news portal. Malayalam Pravasi news from Europe,Gulf malayalam news,American malayalam news,Canadian malayalam news,Singapore malayalam news, Australia malayalam news,Newzealand malayalam news,Inda and other countries. Covers topics - News headlines, Finance, Education, Sports, Classifieds, Current Affairs, Special & Entertainment News. Classifieds include Real Estate, Condolence, Matrimonial, Job Vacancies, Buy & Sell of products and services, Greetings.

Other News Titles:

വ്യവസായികളും വന്‍കിട വ്യാപാരികളും ചേര്‍ന്ന് റബര്‍ ആഭ്യന്തരവിപണി അട്ടിമറിക്കുന്നു: ഇന്‍ഫാം
തുടര്‍ന്നു വായിക്കുക

rubber_policy_infarm_23jan_press_release

റബര്‍നയം: പ്രഹസനചര്‍ച്ചകളില്‍ വിഢിവേഷം കെട്ടാന്‍ കര്‍ഷകരെ കിട്ടില്ല~ഇന്‍ഫാം
തുടര്‍ന്നു വായിക്കുക

ഇന്‍ഫാം കര്‍ഷകദിനാചരണം ജനുവരി 15ന് ആയിരത്തിലേറെ കേന്ദ്രങ്ങളില്‍
തുടര്‍ന്നു വായിക്കുക

land_problem_infarm_press_release_08_january_2017

വന്‍കിട തോട്ടമുടമകളുമായുള്ള കോടതിവ്യവഹാരങ്ങളില്‍ സര്‍ക്കാര്‍ പരാജയപ്പെടുന്നത് അന്വേഷിക്കണം
തുടര്‍ന്നു വായിക്കുക

infarm_reaction_against_rubber_board_23november2017

റബര്‍ പ്രതിസന്ധി അതിരൂക്ഷമാകുന്നു; റബര്‍ ബോര്‍ഡ് നാഥനില്ലാക്കളരി: ഇന്‍ഫാം
തുടര്‍ന്നു വായിക്കുക

കര്‍ഷകവിരുദ്ധ കരാറുകള്‍ക്കും നികുതി നിര്‍ദ്ദേശത്തിനുമെതിരെ സംഘടിത പ്രക്ഷോഭം വേണം: ഇന്‍ഫാം
തുടര്‍ന്നു വായിക്കുക

കുടിയേറ്റ കര്‍ഷകരുടെ മറവില്‍ കയ്യേറ്റഭൂമാഫിയകളെ സംരക്ഷിക്കുവാന്‍ അനുവദിക്കില്ല: വി.സി.സെബാസ്ററ്യന്‍
തുടര്‍ന്നു വായിക്കുക

List all titles